O pasado Domingo 23 de Maio celebrouse no auditorio da casa cultural, no parque Avisoureira , o VI FESTIVAL DE ESCOLAS DE MÚSICA 2010.
O festival comezou un chisquiño mais tarde do programado, porque sempre hai imprevistos de última hora. O público asistente impacientábase as portas do auditorio, por iso rapidamente ao abrirse al portas completouse o aforo do auditorio da casa cultural. ¡Alí non collía nin un alfiler!. Os que si entraron foron os nosos maiores que remataron o seu día de festa gozando do festival.
Debido ós problemas técnicos, o acto daba comezo a iso das 17:30 moi pasadas, actuando en primeiro lugar a Banda Infantil da Agrupación Musical do Rosal. Esta banda de xente moi miúda deleitounos con pezas como “La Atlántida” e “Concerto d´Amore”, obras que case conseguen namorar ó público asistente.
A seguinte banda en actuar foi a Banda Orquesta Sinfónica da Escola de Musica de Mos. Esta banda traballaba cunha canteira de músicos moi novos, pero deixaron constancia do dominio das pezas que interpretaron.
Despois actuou a Banda Musical Xuvenil de Monçao, grazas a ela decatámonos que a música é un idioma universal. Esta interpretounos pezas como “ Sinatra in Concert” e “Piratas do Caribe”,obras coas que entusiasmou ós presentes.
Antes de que actuase a última banda, a de Guláns, fíxose o sorteo do xamón. O número premiado resultou ser o do alcalde. Quen querendo unirse a festa regaloulle o xamón a Banda de Guláns.
Rematado o sorteo comezou a actuación da Banda Xuvenil da Escola de Música Unión de Guláns, que aínda emocionada polo agasallo do alcalde comezou a interpretación das pezas ensaiadas.
Ao rematar o concerto o público quedou tan emocionado e como a ovación era tan atronadora a banda viuse obrigada a interpretar unha peza máis.
Ó final houbo regalos para todas as bandas participantes, porque cando da música se trata, non hai gañadores nin perdedores o único que vence é a forza da música. Pero como non só de música vive o home, repuxemos forzas compartindo unha pequena merenda ao aire libre. Este foi o final dunha tarde de calor refrescada pola brisa suave da música.
No hay comentarios:
Publicar un comentario